Los horros conviértense n’escenariu cultural en Coceña.
De la mano de la compañía Producciones ‘Nun Tris’, l’actividá busca pequeños enclaves pa llevar esta cultura etnográfica más allá de los pueblos.
Los horros como epicentru de la cultura protagonicen una actividá que llega pocos díes dempués de l’aprobación de 400.000 euros del Principáu pa la restauración d’estos elementos etnográficos.
L’Asociación del Horru Asturianu llogró amás que s’amplíe de seis meses a un añu’l plazu pa facer la obra, yá que los profesionales que los restauren cunten con muncha llista d’espera.
En ‘Xube a la Tenobiera’, los asistentes non solo deprenden la so arquitectura y usos, sinón que se compaxina con representaciones teatrales y narraciones orales. Tampoco falten les demostraciones d’oficios como l’arreglu de tambores o una redera.
La iniciativa prepara una posible octava y última cita pa cerrar un añu de divulgación y bona acoyida.
