El pan y les nates vaqueires vuelven ser protagonistes en Naraval. Esti llugar de Tinéu celebra la XXIV edición d’unes xornaes que reivindiquen la gastronomía y les tradiciones.
Un total de 50 fogaces y 25 llitros de nata preparáronse güei nes XXIV Xornaes del Pan y les Nates Vaqueires que se celebren en Naraval, conceyu de Tinéu, pa emponderar la cultura vaqueira representada nestos productos.
El momentu central foi la degustación del pan recién enfornáu coles famoses nates vaqueires.
Amás celebróse l’homenaxe que, dende l’Asociación Cultural Manxelón, faen a aquellos que defenden estes tradiciones.
