Se prevé un ascenso de entre 2 y 3 ºC por lo que volveremos a poder alcanzar, e incluso superar, los 30 ºC.
- Alborecemos col cielu empuercáu de dalguna nube alta con unes temperatures que tan alrodiu de los 16ºC, rexistrándose nel puirtu Payares 14,5ºC.
- Güei vamos tener un ascensu de les temperatures másimes que rondarán de nuevu los 30ºC na fastera central asturiana col cielu empuercáu por nubes altes que nun impedirán que calezcan en forma los rayinos del sol. Les tormentes esta vegada quedarán al sur de la cordelera.
- Mañana llunes les temperatures másimes van rondar yá los 35ºC y la fogina va ser difícil de soportar, el cielu va tar más empuercáu de nubes que puen desendolcase pela tarde y dexanos xarabatos irregularmente repartios de calter tormentosu al finar el día.
- El martes paez que sedrá un día más sano, col cielu escampláu y un descensu de les temperatures con másimes que malpenes van llegar a los 30ºC, amás con dalgo de nordés pela costa que aliviará dalgo la sensación térmica.
- El miércoles ya xueves puen ser los díes más calurosos d’esta fola de calor y sobrepasar los 35ºC na fastera central asturiana con escasa nubosidá nel cielu y paez que cola fin de selmana llegaría’l refrescamientu pero esto yá lu diremos viendo.
