Tres del exitosu estrenu n’Avilés y los conciertos que ta dando per fuera d’Asturies, Rodrigo Cuevas vuelve a actuar en casa’l 21 de setiembre 
L’uvieín recintu de La Ería va acoyer, dientro de la programación de les fiestes de San Mateo, l’espectáculu La Belleza del «ministru de verbenes» y la so banda 
Les entraes yá tán a la venta online con un preciu rebaxáu de 40 euros pa les primeres mil persones que la merquen. Musicasturiana.com
Tres del exitosu estrenu n’Avilés y los conciertos que ta dando per fuera d’Asturies, Rodrigo Cuevas vuelve a actuar en casa’l 21 de setiembre. L’uvieín recintu de La Ería va acoyer, dientro de la programación de les fiestes de San Mateo, l’espectáculu La Belleza del «ministru de verbenes» y la so banda. Les entraes yá tán a la venta online con un preciu rebaxáu de 40 euros pa les primeres mil persones que la merquen.
La Belleza ye la xira qu’acompaña a Manual de Belleza, l’álbum nuevu de Rodrigo Cuevas. Nél, l’artista publica diez cantares onde l’amor, la utopía, l’autoestima, la llibertá y la diversión marquen el ritmu y el tonu de la so obra más distinta. Pop, rap, postpunk, tradi-tune, mamarrachéu y, por supuesto, música tradicional d’Asturies y otros territorios peninsulares suenen nesti aclamáu trabayu.
Los temes d’esti álbum nuevu y de los anteriores Manual de Romería y Manual de Cortejo siéntense nel nuevu espectáculu qu’ufren Rodrigo Cuevas y la so banda. Un trabayadísimu show nel que música, danza, audiovisuales, humor, enerxía y reivindicación van de la mano p’amosar la guapura del artista actual con más sonadía de la música’l país.
Avilés, A Coruña, Barcelona y Donosti yá vibraron con La Belleza y son munchos los puntos del Estáu español, amás de Lisboa y Oporto que van poder esfrutar d’esti show nos próximos meses. La cita n’Uviéu, ye una oportunidá nueva pa poder ver n’Asturies esta obra d’arte escénica de na que Rodrigo Cuevas arródiase de la so banda formada por Mapi Quintana, Rubén Bada, Juanjo Díaz y Tino Cuesta, de les baillarines Las Perfectas, y d’un ampliu equipu técnicu. Xuntes faen posible esta belleza.
