Alianza de la esquierda d’Uviéu para reforzar el compromisu de los derechos LGTBI: piden asitiar la bandera arcoíris na fachada del Conceyu. Piden que’l Plenu municipal reafite’l compromisu d’Uviéu cola igualdá, la diversidá y los derechos humanos. LNE
La propuesta plantega’l sofitu institucional a la celebración del Arguyu LGTBI 2026 y l’allugamientu de la bandera arcoíris o d’un símbolu representativu del Arguyu nun espaciu visible de la fachada del Conceyu mientres los díes de conmemoración. Amás, inclúi campañes de sensibilización contra la LGTBIfobia y los discursos d’odiu, acciones formatives para’l personal municipal y el refuerzu de protocolos frente a agresiones o situaciones de discriminación.
La iniciativa tamién contempla’l sofitu a les asociaciones y colectivos que trabayen polos derechos LGTBI. Los sos promotores defenden que l’Arguyu tien d’entendese como una xornada de memoria, reivindicación, visibilidá y defensa de los derechos humanos, y sostienen qu’Uviéu tien de consolidase como una ciudá comprometida cola diversidá y llibre de discriminación.
La concejala socialista Marisa Ponga defende que’l sofitu a los derechos de les persones LGTBI “nun puede escondese nin rebaxase a un trámite menor”. Al so xuiciu, si’l Conceyu cree realmente na igualdá y la diversidá, tien de llevar esi compromisu “al so máximu órganu de representación institucional, que ye’l Plenu municipal”.
Tamién señaló qu’esta cuestión afecta a derechos humanos, igualdá y convivencia democrática”, polo que considera fundamental que’l conxuntu de la Corporación pueda pronunciase de manera pública sobro la iniciativa.
Cristina Pontón, destacó que los derechos LGTBI formen parte de los derechos humanos y de la calidá democrática de les instituciones. La conceyala defendió que les alministraciones públiques tienen la obligación de protexer derechos, combatir la discriminación y garantizar que toles persones puedan vivir con llibertá y dignidá.
