Tener munchos amigos
Manfer de la Llera
Prestaríame tener amigos,
en toles partes,
en tolos barrios,
en tolos pueblos,
en toles ciudades,
en tolos requexos del mundu.
Qu’auquiera que yo fuere
alcontrara siempre un amigu.
meyor munchos amigos,
abondos amigos,
amigos a esgaya.
Pa poder falar con ellos.
Na llingua universal del AMOR.
Cambiar impresiones
na llingua universal de la PAZ.
Entemecer les nuestres llingües
na llingua universal de la XUSTICIA.
Fundir los nuesos mandamientos
na llingua universal de la LLIBERTÁ.
Yo caltrio que too eso
algámase con amigos,
teniendo abondos amigos.
Siendo los homes de mediu mundu
amigos del otru mediu.
Por eso yo quiero tener amigos
en toles partes,
en tolos barrios,
en tolos pueblos,
en toles ciudades,
en tolos requexos del mundo.
¡Qué guapo ye tener munchos amigos!