En #TPANoticias2 contaremos que’l Ministeriu d’Educación espublizó güei una nueva guía pal diseñu de protocolos contra el #acosoescolar. Busca unificar criterios na #prevención y na atención temprana. ENLLAZ DESCARGA / WEB
Nueva guía pa diseñar protocolos escontra l’acosu y el ciberacosu escolar. Acaba d’asoleyala’l Ministeriu d’Educación na so web pa intentar xunir criterios y qu’estes pautes seyan comunes y sirvan como referencia pa les comunidaes autónomes.
El documentu afita dalgunes de les señales d’alerta pa detectar esi acosu. Destaca, por exemplu, cambeos conductuales como l’usu compulsivu o l’abandonu del móvil. Tamién l’aisllamientu social o signos de malestar físicu ensin causa aparente.
El plan recomienda reforzar la vixilancia en recreos, pasiellos, comedores y cambeos de clases. Plantega evaluaciones davezu, como cuestionarios de convivencia y llistes de chequéu pa identificar grupos de riesgu.
Sobre la monitorización dixital, la guía plantega un siguimientu d’hashtags y de menciones del centru en redes sociales pa detectar el ciberbullyng dirixíu a docentes.
Un estudiu plantega medrar les estadístiques policiales de violencia de xéneru con otres informaciones
Sobre la violencia escontra les muyeres, un estudiu, lideráu pola Universidá Politécnica de Valencia, revela que les estadístiques policiales son fundamentales pa conocer les agresiones machistes, pero insuficientes porque nun amuesen tola realidá.
Nesti sen plantega la necesidá de tener en cuenta la información viniente de la ciudadanía y les redes sociales pa identificar, por exemplu, espacios onde les muyeres tán insegures. Ye detectar zones de riesgu que pasen desapercibíes nos rexistros oficiales.
