26 de xunetu de 1894: nació Aldous Huxley en Godalming, Inglaterra. Escritor y ensayista, construyó una obra centrada nes llendes ente ciencia, poder, percepción y control social. Un mundu feliz, publicada en 1932, convertiose nuna referencia de la ficción distópica. Ellí imaxinó una sociedá ordenada pola inxeniería biolóxica, el condicionamientu y l’arrenunciu a la llibertá individual. Un anticipu d’una realidá actual. Web
La so producción foi más amplia qu’esa novela, con ensayos, relatos y testos sobro filosofía, misticismu y cultura moderna. Huxley morrió en 1963, pero’l so diagnósticu sobro la tecnificación de la vida caltuvo vixencia n’alderiques posteriores sobro consumu, vixilancia y estandarización.
Un mundu feliz (n’inglés, Brave New World) ye la novela más famosa del escritor británicu Aldous Huxley, publicada per primer vegada en 1932. La novela ye una distopía qu’antemana’l desenvolvimientu en tecnoloxía reproductiva, cultivos humanos, hipnopedia y manexu de les emociones por mediu de drogues (soma, la pastiella de la felicidá) que, combinaes, camuden radicalmente la sociedá.
El mundu equí representáu podría ser una utopía, anque irónica y ambigua: la humanidá ye ordenada en castes onde caúnu sabe y acepta el so llugar nel engranaje social, saludable, avanzada tecnológicamente y llibre sexualmente. La guerra y la probeza fueron erradicadas, y toos son permanentemente felices.
Sicasí, la paradoxa ye que toes estes coses algamáronse n’esaniciando munches otres: la familia, la diversidá cultural, l’arte, la meyora de la ciencia, la lliteratura, la relixón, la filosofía y l’amor.
