La conseyera de Cultura, Política Llingüística y Deporte,@av_gutierrez, participó nel alcuentru col texíu artísticu y cultural dientro del programa de la candidatura d’Uviéu a Capital Europea de la Cultura 2031, celebráu na @LABoral Centru d’Arte y Creación Industrial.
L’equipu de la candidatura d’Uviéu a Capital Europea de la Cultura 2031 axuntó en LABoral al texíu cultural y artísticu asturianu, nun alcuentru nel que participaron artistes, xestores culturales, comisarios, programadores, galeristes, colectivos y axentes culturales de toa la rexón.
Nesta xornada abordóse’l procesu d’elaboración del segundu dosier de candidatura, cuya entrega ta prevista pal próximu 3 de payares. Esti nuevu documentu va ampliar les propuestes culturales, estratéxiques y de dimensión europea que van formar parte d’Uviéu 2031 y va afondar especialmente na programación cultural, la participación del territoriu y les conexones internacionales del proyectu.
L’equipu de la candidatura treslladó que la Capital Europea de la Cultura nun s’entiende como una programación zarrada, sinón como un procesu abiertu, colectivu y en constante evolución.
