Publicado en Escritores, Premios

Entregose’l premiu Planeta en Barcelona

Las novelas «La hora antes del alba», de Isabel Allende, y «La añoranza», de Sergio Hernández Carrasco, ganadora y finalista del Premio Planeta 2026. #PremioPlaneta2026 #75añosPremioPlaneta

«Toos tenemos una reserva de fuerza insospechada que remanez cuando la vida ponnos a prueba».

Isabel Allende naz en Lima, Perú, nel añu 1942, anque aína camúdase a Chile. Tres el golpe militar de Pinochet, emigra a Venezuela, y termina afincándose en California. Sicasí, siempres se sintió como una escritora chilena, y aportó a galardonada col Premiu Nacional de Lliteratura de Chile nel añu 2010.

Como escritora, la suya ye una de les voces más reconocibles y vendíes de les últimes décades, siendo una autora superventas en bien de países. Desenvolvió tou tipu de rexistros y d’estilos. Dende una narrativa más adulta en La casa de los espíritos y Paula hasta un estilu muncho más xuvenil na mítica obra La ciudá de les besties.

«Enfrenta les torgues a midida que preséntense, nun pierdas enerxía tarreciendo lo que pueda haber nel futuru».

«El mieu ye inevitable, tengo qu’aceptalo, pero nun puedo dexar que me paralice».

«La muerte nun esiste, fía. La xente solo muérrese cuando la escaecen; si puedes recordame, siempres voi tar contigo».

«Los raigaños nun tán nel paisaxe, nin nun país, nin nun pueblu, tán dientro de ti».

«El corazón ye lo que nos impulsa y determina el nuesu destín».

«Nun puedes atopar a daquién que nun quiera ser atopáu».

«Cuanto más tiempu vivu, más desinformada siéntome. Solo los mozos tienen una esplicación para tou».

«La verdadera amistá aguanta’l tiempu, la distancia y el silenciu».

«La biblioteca ta habitada por espíritos que salen de les páxines na nueche».

«Les esperiencies de güei son les alcordances de la mañana».

«¿Cuántes vegaes díxite que nun creas tolo qu’oyes? Busca la verdá por ti mesmu».

 

Autor:

Maestra de Llingua Asturiana Colexu Carmen Ruiz-Tilve - Uviéu