Publicado en Tresportes

Cambeu nel reglamentu del tresporte urbanu d’Uviéu

🐶 🐶 El plenu aprueba definitivamente’l cambéu del reglamentu del tresporte urbanu: les mascotes d’hasta diez quilos van poder viaxar en transportín, ente que los vehículos de movilidá personal van siguir escluyíos.

Los viaxeros del autobús urbanu d’Uviéu van poder empezar a compartir trayectu coles sos mascotes. El Conceyu aprobó definitivamente’l cambéu del reglamentu del tresporte públicu que va dexar aportar a los vehículos con animales de compañía d’hasta diez quilos, siempre que viaxen nun transportín homologado.

La mesma norma, sicasí, caltién la prohibición de xubir patinetes eléctricos y otros vehículos de movilidá personal.

El cambéu recibió esti martes el vistu bonu definitivu del Plenu, dempués de superar el periodu d’información pública ensin cambeos respectu al testu aprobáu primeramente en xunetu.L’autorización nun se llinda a los perros.

Tamién van poder viaxar otros animales de compañía de pequeñu tamañu, como gatos, coneyos o furones, siempre que cumplan les condiciones establecíes y permanezan dientro d’un transportín homologado mientres el trayectu. El conceyal d’Urbanismu y voceru del PP, Nachu Cuesta, defendió que la regulación trata d’atopar un equilibriu ente los derechos de les persones que viaxen con animales y les necesidaes del restu d’usuarios. Tamién señaló que’l Conceyu va siguir de cerca cómo funciona la midida una vegada ente n’aplicación.

 

El cambéu nun abre, sicasí, la puerta a los patinetes eléctricos. Los vehículos de movilidá personal van siguir escluyíos del autobús urbanu, una decisión que cuestionó’l PSOE mientres l’alderique. El so conceyal Juan Álvarez defendió que tamién tendría d’estudiase la so incorporación al serviciu, nun momentu nel qu’estos dispositivos formen parte de los desplazamientos cotidianos de dellos ciudadanos.

Cuesta xustificó la diferencia ente dambos casos poles característiques del autobús, con más problemes d’espaciu y convivencia a bordu qu’otros medios de tresporte. A diferencia de los trenes, esplicó, los vehículos urbanos puen sufrir situaciones de mayor ocupación, lo qu’obliga a valorar con precuru la entrada d’elementos que puedan enzancar el tránsitu o la seguridá de los pasaxeros.

Autor:

Maestra de Llingua Asturiana Colexu Carmen Ruiz-Tilve - Uviéu