@GobAsturias incorpora al plan de vialidad ivernizu 112 paneles dixitales en 32 puertos pa facilitar información a los conductores en casu d’envernada. El dispositivu, activu dende güei, va movilizar a 117 persones, 36 quitanieves y ocho fresadores. Videu / actualidad.asturias.es/-/viabilidad111
El procedimientu previstu énte situaciones de riesgu y/o emerxencies meteorolóxiques establez cuatro escenarios que definen la intensidá de la respuesta: Nivel 1: Peligru baxu. Nivel 2: Peligru moderáu. Nivel 3: Peligru altu. Nivel 4: Peligru bien altu.
Medios humanos y técnicos
El dispositivu pa garantizar la seguridá viaria en condiciones meteorolóxiques adverses ta integráu por 117 persones, de les cualos 77 conformen el grupu operativu básicu, formáu por celadores, conductores y operarios de les brigaes de carreteres, técnicos nivometeorológicos, y personal especializáu de taller del Parque de Maquinaria del Principáu. Los miembros de les brigaes de carreteres van cuntar con recursos de busca y rescate d’ádenes pa garantizar la seguridá del propiu personal énte situaciones de riesgu.
Al respective de los medios técnicos, el plan cunta con una flota de 36 vehículos quitanieves, ocho fresadores y otros equipos especializaos como furgones y furgonetes de sofitu, un camión-grúa y un camión góndola.
Distribúyense en nueve zones d’actuación por tola comunidá, con prioridá pa les árees de mayor altitú y riesgu.
La rede autonómica suma 374 kilómetros de víes allugaes a altitúes superiores a los 800 metros, de los cualos 175 kilómetros asítiense percima del mil metros.
