Meta enfréntase a xuiciu n’EEXX por crear adicción a les redes sociales y daños mentales a menores.
Meta, matriz de Facebook o Instagram, enfréntase a xuiciu n’EEXX por provocar adicción a los menores a les redes sociales. 29 fiscales d’otros tantos estaos argumenten que les compañíes diseñaron estes plataformes para maximizar el tiempu que los usuarios pasen delantre de la pantalla y eso puede provocar conductes adictives y daños emocionales y físicos nos menores. El xuiciu empezó’l martes en California. La indemnización que se plantega ye cercana a los 1.400 millones de dólares. Los fiscales defenden que Meta conocía y despintó los posibles daños de les sos plataformes a los menores; la compañía argumenta los esfuerzos que fai por bloquiar l’accesu a los menores de 13 años.
