Neños y mozos son el segmentu de población onde más crecen los problemes de salú mental.
Neños y mozos son el segmentu de población onde más crecen los problemes de salú mental. Asina se confirmó na Xornada Asturiana d’Enfermería de Salú Mental, celebrada sol títulu ‘Actualizando cudiaos en salú mental’.
Un alcuentru onde se destacó’l papel de la enfermería especializada y nestes enfermedaes, nel siguimientu terapéuticu, la educación sanitaria y el sofitu tanto a pacientes como a les sos families.
Les consultes en salú mental na población infantoxuvenil triplicáronse, por cuenta de les remortines causaes pola pandemia, y pola forma de vida actual. Según los espertos, la prevención d’estos problemes básase nel sofitu familiar, la educación emocional y redolaes segures, y llendar l’usu escesivu de pantalles
Los especialistes piden que tolos servicios de salú mental del Principáu cunten con enfermeres especialistes na enfermedá.
Escueles, families y servicios de salú collaboren pa ufiertar sofitu psicolóxicu tempranu y ensin estigmes.
Anguaño nel estáu hai unes 8000 enfermeres especialistes. Según los profesionales d’esti sector habría que triplicar esti númberu pa que pudieren cubrir tolos puestos qu’hai nos distintos servicios.
