Publicado en Salú

Nesti día la UNESCO pon de relieve’l papel esencial de los docentes

Detrás de cada estudiante que progresa hai un docente que s’esmolez pol so bienestar. El llabor de los docentes va muncho más allá de la enseñanza de conteníos académicos. De cutiu, son los primeros adultos en detectar qu’un estudiante ta travesando dificultaes. Sicasí, munchos precisen orientación sobro cómo actuar énte estes situaciones, ensin dexar de curiar el so propiu bienestar.
Una nueva guía ellaborada conjuntamente pola UNESCO, UNICEF y l’Organización Mundial de la Salú (OMS), ufierta ferramientes práctiques p’ayudar a los docentes a identificar señales de malestar emocional, responder a les necesidaes del alumnáu y promover la salú mental y el bienestar nos centros educativos. La publicación tamién destaca una cuestión fundamental: los docentes tamién precisen sofitu.

Nesti #DíaDeLaSaludMental, la UNESCO pon de relieve’l papel esencial de los docentes y los centros educativos na creación de redolaes d’aprendizaxe seguros y que brinden sofitu, según la importancia d’apurrir al personal docente les competencies y los recursos necesarios para favorecer el bienestar y el desenvolvimientu de too l’alumnáu.

Autor:

Maestra de Llingua Asturiana Colexu Carmen Ruiz-Tilve - Uviéu