Newark, Nueva Xerséi, 7 de setiembre de 1943. Naz Gloria Fowles, quien pasaría a la hestoria de la música como Gloria Gaynor. X / https://www.gloriagaynor.com Ye una cantante de música disco y soul estadounidense. Los sos ésitos más conocios son «Never Can Say Goodbye» (1974), «I Will Survive» (1978) y «I Am What I Am» (1983).
Creció n’una casa llena de música: el so padre tocaba’l ukelele en clubes nocherniegos y dellos de los sos hermanos cantaben góspel. En 1975 algamó popularidá con “Never Can Say Goodbye”, pero’l verdaderu trunfu llegó en 1978 con “I Will Survive”, tema que originalmente diba como llau B d’un simple.
El cantar encabezó’l Billboard Hot 100 y ganó l’únicu Grammy enxamás apurríu a meyor grabación discu, en 1980.
Tresformose n’himnu de reivindicación para movimientos feministes y de la comunidá LGBT. Grabó ventidós álbumes a lo llargo de la so carrera.
Nota: Anque munches biografíes populares reproducieron 1949, los rexistros civiles de Nueva Xerséi confirmen que Gloria Fowles nació’l 7 de setiembre de 1943.
