L’amuesa va poder visitase del 22 de mayu al 8 de xunu. El Comercio / LNE Yá ta tou llistu en Valdesoto (Siero). El campu de la ilesia yá cunta cola amuesa 36 años de Pueblos Exemplares d’Asturies, qu’inclúi una selección d’imaxes y testos significativos na hestoria d’esti galardón, según información de calter xeneral sobro la fundación y los actos que s’entamen en redol a la ceremonia d’entrega de los Premios Princesa d’Asturies.
Valdesoto, Premiu al Pueblu exemplar» d’Asturies 2025, va acoyer una esposición fotográfica dedicada a los trenta y seis pueblos, localidaes y comunidaes vecinales que recibieron esti galardón de la Fundación Princesa d’Asturies. L’amuesa va allugar nel campu de la ilesia de San Félix y podrá visitase dende’l próximu 22 de mayu hasta’l 8 de xunu. PUEBLOS
La esposición, que va llevar por títulu «36 años de Pueblos Exemplares d’Asturies» inclúi una selección de les fotografíes y testos más significativos na hestoria d’esti premiu, según información de calter xeneral sobro la Fundación Princesa d’Asturies y los actos que s’entamen en redol a la ceremonia d’entrega de los premios, nel Teatru Campoamor d’Uviéu.
Valdesoto ye l’últimu «Pueblu exemplar» d’Asturies, distinción que consiguió en 2025 tres más d’una década intentándolo, en concretu tuvieron que pasar 21 años por que lu llograra. El xuráu que concede’l galardón destacó de la localidá’l compromisu y esfuerzu colectivu por caltener vives y potenciar tradiciones ancestrales que tresmiten de xeneración en xeneración». Tamién punxo en valor les representaciones de los Sidros y les Comedies y el desfile de Les Carroces que son seña d’identidá local y que «reflexen fielmente el so espíritu d’unión y asociacionismo, que tesciende l’ámbitu local, exemplu del legáu d’una sociedá civil entamada».
Tal que destaca la Fundación, el Premiu al Pueblu Exemplar d’Asturies «ta destináu a galardonar al pueblu, aldega, núcleu de población, espaciu paisaxísticu o grupu humanu del Principáu d’Asturies que destacara de manera notable na defensa y caltenimientu de la so redolada natural, ambiental, del so patrimoniu históricu, cultural o artísticu, n’iniciatives d’impulsu económicu y social o na realización d’obres comunales o otres manifestaciones de solidaridá estraordinaria».
