Vamos concluyir la selmana con una xornada calorosa n’Asturies. Namá van salvase d’estes altes temperatures la mariña onde van superar los 25 ºC pero nun van algamar los 30º C. En cuanto al estáu de los cielos, vamos esfrutar d’un día soleyeru en tola rexón. Los vientos van soplar na mariña de nordeste-esti con raches moderaes que podríen rexistrar hasta 40 o 50 km/h y ye por ello polo que les máximes nun se van disparar na mariña. UVIÉU
Para esti domingu y mañana llunes l’Axencia Estatal de Meteoroloxía Aemet) tien activaos avisos de nivel mariellu n’Asturies por temperatures elevaes. Nel suroccidente pueden superase los 34 graos, con pronósticos que lleguen a los 36 en Cangas. Uviéu va quedase nos 32 graos, mientres na mariña Avilés nun pasaría de los 29, Xixón de los 28 y Llanes de los 26.
Llunes 6 de xunetu
El llunes entá van xubir un pocu más les temperatures en toa Asturies.
Para’l llunes el sol va siguir apoderando, con avisos de l’Aemet en toles zones d’interior, y máximes previstes de 39 graos en Cangas. El Ministeriu de Sanidá yá emitió pela so parte avisos d’altu riesgu por calor estremo nes zones d’interior, aconseyando beber agua con regularidá y evitar la esposición al sol nes hores centrales del día.
