Publicado en TIEMPU

Tiempu n’Asturies

  • A les 8:30h d’esti llunes alborecemos con escasa nubosidá, sicasí hai dalguna nube alta y delles nublines no fonderu los valles con unes temperatures que tan alrodiu de los 6ºC, rexistrándose nel puirtu Payares 2,5ºC. Los polos de fríu habituales yá tan furrulando a tope, como en Prado Venerio en Babia-Llión, una dolina onde esta pasada nueche llegaron a -12,2ºC de mínima.
  • Güei vamos tener escasa nubosidá en xeneral con dalguna nube alta y dalgo de borrín emburriáu pol vientu nordés que va soplar cafiante nel llitoral y zones espuestes con unes temperatures en descensu que mos va dexar un ambiente desagradable ellí onde nun temos al abellugu del vientu nordés.

  • Mañana martes tendremos intervalos nubosos que puen dexanos dalguna precipitación feble ya ocasional que sedría de nieve perriba de los 1500m con unes temperatures másimes en bultable descensu, mentantu les mínimes subirán dalgo por mor de les nubes. L’aire nordés tenderá a amenorgar y l’ambiente sedrá fríu en xeneral.
  • El miércoles paez que va escamplar y alboremos con xelaes nes zones favoretibles con unes temperatures mínimes en descensu ya unes másimes que subirán dalgo por mor del sol.
  • El xueves va tar poco nuboso o escampláu con xelaes nel interior asturianu con temperatures n’ascensu ellí onde calezca’l sol, situación que va a estendese al vienres pela mañana, de tarde va dir entrando nubosidá media-alta que mos va dir empobinando una borrasca atlántica dende les costes gallegues.
  • Paez que la fin de selmana subirán bultablemente les temperatures con vientu ábrigu moderáu, pero esto yá lu diremos viendo.

 

Autor:

Maestra de Llingua Asturiana Colexu Carmen Ruiz-Tilve - Uviéu