El fenómenu eclipse impulsa’l turismu rural asturianu y xube los precios.
Les previsiones aseguren qu’Asturies ye de les zones onde l’eclipse total va durar más tiempu, 1 minutu y 48 segundos. Una garantía qu’impulsó’l turismu rural asturianu.
Munchos agospiamientos cuelguen yá’l cartelu de completu y recibióse una montonera de reserves. Al turista tradicional sumaron el d’aficionaos internacionales a l’astronomía.
La demanda tomó dafechu una ufierta yá escasa nel mes d’agostu. Les axencies de viaxes detecten tamién l’efectu eclipse pa faer paquetes y entamar viaxes.
La xuba de precios por esti fenómenu astronómicu ye común nos llugares privilexaos dende onde se va ver.
Los espertos piden que se garantice la movilidá y la seguridá neses feches pol aumentu de desplazamientos. Tamién esixen a los conceyos y alministraciones mayor preparación y que s’habiliten zones d’acampada o miradores pa los astroturistes.
El 12 d’agostu, Asturies va ser un mirador aventayáu pa ver l’alliniación ente’l Sol, la Lluna y la Tierra. Una oportunidá única dende fai 120 años.
