Asturies empecipia los preparativos para la observación del eclís solar total el 12 d’agostu del 2026. Web especial/ El Gobiernu d’Asturies dio esti martes el pistoletazu de salida a los preparativos para l’eclís total que se va producir el 12 d’agostu de 2026, con motivu del cual la conseyería de Ciencia va crear un grupu de trabayu multidisciplinar que va coordinar l’acciones en seguridá, educación, salú, turismu y divulgación científica mientres el próximu añu.
El conseyeru de Ciencia, Borja Sánchez, presentó na Feria Internacional d’Amueses d’Asturies (Fidma), en Xixón, el plan de trabayu que’l Principáu va activar de momentu, qu’anunció nel marcu d’una xornada científica que cuntó cola participación de les astrofísiques Noemí Pinilla-Alonso y Lucía González.
