Pautu

Cansu de caminar,
ya de pensar,
quiero arimame a ti,
cuerpu de mí mesmu,
cuerpu mieu,
onde vivo,
dende onde vi
las cousas de la tierra.

Sonces todiel.los
que l.levanon los mieus pías,
dedas humildes,
costiel.las
qu’atestiganon emociones asgaya,
gorxa na que nacienon
las palabras,
midayas de la mía tiesta.

Vos sois lo que perdiera,
lo que dexéi de sentire
ya dexéi de vivire.
Ya por eso mesmo agora
quiero prometeme a mí mesmu
que yá nun vos dexaréi
enxamás solos.

Faime falta un pautu con vos,
sentime samarguchando en vos,
sabere que you soi vos.

Ya entós dirán: tien pautu.
Con vos, todiel.los mieus,
con vos, pías de la mida vida,
contíu, arca del mieu corazón.

(De L.lume de l.luz)

L.lume de l.luz