El Centro d’Educación Ambiental de Les Regueres acueye la edición d’esti añu. L’Asociación de Diabetes del Principáu d’Asturies celebra’l 50 aniversariu de los sos campamentos de branu pa neños y neñes con diabetes. Una actividá que foi precursora n’España pa enseñar a los más pequeños a convivir cola enfermedá mientras esfruten d’unos díes de vacaciones.
Esti añu son una trentena los participantes nuna edición que se celebra nel Centru d’Educación Ambiental de Les Regueres.
Guzmán García y Salmane Jebri son dos de los 34 neños, neñes y adolescentes de toa España que participen nel campamentu educativu de l’Asociación de Diabetes d’Asturies. Un llugar onde nun son los únicos con bombes d’insulina o glucómetros
Un campamentu que se celebró per primer vegada va 50 años. Los mesmos que lleva Ana Álvarez, presidenta d’ASDIPAS con diabetes. Ella foi una de les primeres neñes en participar nestes colonies.
Como Gabriel y Galo, de La Pola (L.lena) y Cantabria. Comparten enfermedá con Álvaro, pero non equipu de fútbol. Porque son dos madridistes y un culé.
