Publicado en Alimentos, Restaurantes

El pote asturiano d’un restorán de pueblu…

El pote asturiano d’un restorán de pueblu conquista a un críticu británicu qu’escribe pa National Geographic: Ye intensu y cocináu a poco fueu. ‘Fáinos muncha ilusión que daquién que percuerre tantos llugares y conoz tantes cocines alcuérdese de lo que comió equí’, afirmen estimaos los dueños del establecimientu. LNE

 

El pote asturiano del restorán El Torneiro, nel conceyu asturianu de Villayón, yá tien almiradores internacionales y non cualesquier. Gracies @therossclarke!❤️#ElTorneiro #PoteAsturiano #Villayón #Guisanderas #GastronomíaAsturiana

Ross Clarke, periodista británicu especializáu en viaxes y gastronomía qu’escribe pa la popular revista National Geographic, escoyó una semeya d’esti platu típicu del Principáu pa ún de los retos del Guild of Food Writers. Na so publicación en redes sociales, Clarke describe’l pote como intensu y cocináu a poco fueu.

Ye un platu más antiguu qu’el so pariente la fabada. Esti preparómelu Mirta nel restorán El Torneiro. Mirta ye una de les conocíes guisanderas, un grupu de cocineres dedicaes a caltener y protexer los platos tradicionales d’Asturies, esplica Ross Clarke.

Fáinos muncha ilusión que daquién que percuerre tantos llugares y conoz tantes cocines alcuérdese de lo que comió equí, en Villayón. ¡Munches gracies, Ross Clarke! La pota sigue al fueu pa cuando quieras volver, contesten dende’l restorán de Villayón.

El Toneiro ye un restorán, un hotel rural y una ganadería. Al mandu de los fogones ta Mirta Rodríguez, qu’ellabora un pote asturiano al estilu del suroccidente: ensin apenes fabas y cola peculiaridá de qu’en llugar de berces, usa rabizas (o nabices), que son les primeres fueyes tienres del nabu.

Con choscu de Tinéu. El pote de rabizas, que se sirve nuna sopera nel centru de la mesa, tien un preciu de 20 euros y vien acompañáu de compangu: chorizu, morciella, tocín, oreya de gochu y choscu de Tinéu. Tou ello le dá un aspectu más escuru que’l pote tradicional de berces y conviértela nuna auténticu manxar que conquista hasta los cielos la boca más espertos. Bastante ye que, ganó’l VI Campeonatu d’España de Pote Asturiano “Ciudá d’Uviéu”.

Mirta Rodríguez López cocina como antaño y eso puese/puédese apreciar en tola ufierta gastronómica del so menú. La so forma de trabayar, bien pegada a la tradición, llevóla a entrar nel club de guisanderas d’Asturies @clubdeguisanderas. Yo nun yera profesional de la cocina, quiero dicir que nun estudié cocina, lo que sí sé facer son les recetes de siempre, manifestó nuna entrevista cola LNE.

 

El restorán de monte (con hotel) onde se come’l meyor pote asturianu: Bien ricu y abondosu.

El restorán El Torneiro alcuéntrase cerca de les cascaes de Oneta, allugaes dientro del Parque Históricu del Navia. Fueron declaraes Monumentu Natural nel 2001 y son un popular destín de senderismo debíu a la guapura del paisaxe. El conceyu de Villayón atópase a hora y media d’Uviéu y de Xixón.

 

Autor:

Maestra de Llingua Asturiana Colexu Carmen Ruiz-Tilve - Uviéu