- UNESCO en español/ www.unesco.org/es
Llee l’informe: https://www.unesco.org/…/los-sitios-de-la-unesco-son…
Detrás d’estes cifres hai una realidá más fonda. Los sitios designaos de la UNESCO nun son solu llugares d’estraordinariu valor; son esenciales para la estabilidá climática, la biodiversidá y el bienestar de millones de persones. Sicasí, tán sometíos a una presión creciente. Conoz el panorama actual nel nuevu informe de la UNESCO y afaya por qué protexer estos llugares ye güei más urxente que nunca..
Les conclusiones son clares: los sitios protexíos pola UNESCO tán xenerando impactos positivos nes persones y na naturaleza. Nestos territorios, les comunidaes espolleten, el patrimoniu de la humanidá perdura y la biodiversidá caltiense mientres n’otres partes degrádase. L’informe mide’l valor global y les contribuciones d’estos llugares, y revela lo que podemos perder si nun se-yos da prioridá. Ye un llamamientu urxente para ampliar el nivel d’ambición y reconocer los sitios de la UNESCO como activos estratéxicos para faer frente al cambéu climáticu, a la perda de biodiversidá y para invertir agora na protección de los ecosistemes, les cultures y les maneres de vida para les xeneraciones futures.
Khaled El-Enany, Director Xeneral de la UNESCO
L’últimu informe de la UNESCO pon de relieve la contribución estraordinaria de los sos sitios protexíos tantu para les persones como para la naturaleza. Magar les poblaciones de fauna selvaxe menguaron nun 73 % en tol mundu dende 1970, les de les árees protexíes pola UNESCO caltuviéronse comparativamente estables. Nestos sitios censáronse más de 1000 llingües y una cuarta parte d’ellos inclúi territorios de pueblos indíxenes.
L’informe Comunidaes y naturaleza nos sitios designaos pola UNESCO: contribuciones locales y globales, esamina per primer vegada toles categoríes de sitios designaos pola UNESCO —Sitios del Patrimoniu Mundial, Reserves de Biosfera, Geoparques Mundiales— como una rede única de más de 2260 sitios que toma más de 13 millones de km², un área más grande que China ya India xuntes.
