Queda yá mui poco pa San Xuan y dende la Casa Cultura de Bimenes animámosvos a siguir con esta tradición tan guapa. Asina, a los vecinos y vecines que na tarduca del 23 al 24 de xunu enraméis dalguna fonte o llavaderu pidímosvos que mos lo comuniquéis (llamando o unviando un whatsapp al númberu de teléfonu 680114090) pa dar anuncia d’ello y que tol mundu que quiera pueda averase a ver el trabayu fechu, dalgo que tamién ye mui prestoso. De la mesma manera, podéis unviamos semeyes de los enramaos si queréis que les compartamos per equí.
