Yá ta a piques d’asoleyase ‘K-MUDAR’, l’esperáu primer discu de Abéu 
El cuartetu de música tradicional va presentalo en directo esti sábadu 16 de mayu a les 20h nel Teatru Auditoriu de Grau, nuna actuación na que van cuntar con collaboraciones, bailladores y sorpreses 
El trabayu completu va poder sentise esti domingu 17 en toles plataformes musicales y mercase en musicasturiana.com.
El cuartetu mozu de música tradicional presenta’l sábadu ‘K-MUDAR’ nel Teatru Auditoriu de Grau y esti domingu llánzalu en formatu físicu y dixital. semeya de Nay Semeya.
En 2018 cuatro adolescentes de Xixón venceyaos al Grupu Folclóricu Trebeyu crearon Abéu, una formación de voz y percusión tradicional. Pasín a pasu, esti grupu foi dando conciertos, ensayando, andando a la gueta d’un soníu que-yos convenciera… medrando, a la fin. Y el 16 de mayu nel Teatru Auditoriu de Grau va poder vese enriba l’escenariu y sentise en CD y plataformes dixitales, el resultáu d’estos años de trabayu «tovía queda lo más duro, pero facémoslo felices y con munches ganes«, conclúi Paula Vega.
