El Ca Beleñu, el míticu pub d’Uviéu que foi mientres 30 años referente del folk y de la música en directu, reabre les sos puertes. Cerró fái 8 años y agora reinvéntase en Cualloto, anque calteniendo la so esencia y gran parte del so moblame. Mi Gijón / RTPA
El Ca Beleño, el míticu pub d’Uviéu que foi per 30 años referente del folk y de la música en directo, reabre les sos puertes. Cerró fai 8 años y agora reinvéntase en Cualloto, anque calteniendo la so esencia y gran parte del so moblame.
Foi per 30 años referente de la música folk en directo n’Asturies. Pel so local d’Uviéu pasaron bandes como Felpeyu, Llan de Cubel o los míticos The Chieftains. Cerró les sos puertes fai 8 años y agora’l Ca Beleño entama una nueva etapa en Cualloto.
Reabre calteniendo tola so esencia y el moblame prácticamente intactu. La música en directo volverá ser la so seña d’identidá y tamién l’autoproducción de cerveza, cúntanos Frank Delgado, propietariu del Ca Beleño.
Un emblema del ociu nocherniegu que renaz pa siguir forxando la so hestoria de música y bonos momentos.
El chigre que per décades foi puntu d’alcuentru d’aficionaos a la música de raigañu celta y a la cerveza na cai Martínez Vigil torna 8 años depués con tola decoración del vieyu llocal nel sierense polígonu Águila del Nora; el sábadu «toles vieyes glories y les nueves» enllenaron l’espaciu pa la inauguración.
Un viaxe nel tiempu. Asina podría definise la esperiencia d’entrar na nueva casa del Ca Beleño, que 8 años depués da’l saltu d’Uviéu a Cualloto, al polígonu Águila del Nora, nun proyeutu nuevu que’l sábadu vivió la so inauguración. Y ye que tola decoración del vieyu chigre de Martínez Vigil ta presente. «Teníemoslo too guardao. Tol mundu qu’entra dase cuenta que ta nel Ca Beleño», afirma’l so propietariu, Frankie Delgado. «Guardamos 30 palés, too en caxes, acolchao, dende’l pianu a les barandielles, la barra, los cuadros… 170 cuadros. Llevónos seis meses desclasificalo y el restaurar munches coses que taben deterioraes o rotes», rellata. D’ehí que pa tolos presentes fora como tornar a esi pasáu de cerveces acompañáu de música, sobre manera folk, nesi templu uvieín del celtismu.
«Pela mañana, pela tarde, pela nueche, tuvo’l llocal enllenu. Vimos a toles vieyes glories y a les nueves que tán agora por venir. Nun sé cuánta xente habría, pero munchísimo», celebra Delgado, qu’aprovechó l’actu pa presentar el proyeutu. «El nuevu Ca Beleño ye un llocal que tien fábrica propia de cerveza. Tenemos cinco tipos que facemos nós baxo la marca D’Equí: una lager, una d’escanda asturiana, una stout prieta, una indian pale ale y una estilu belga. Amás tenemos en mente facer una de frutes y contamos tamién con un cañeru de sidra, que ye un bon complementu pa la cerveza», esplica.
La música tampoco nun va faltar. «Va haber un espaciu de conciertos onde se va a ensayar, se van facer jam sessions, se va tocar en direuto…», conciertos que van centrase nel horariu vermú y que se van estrenar esti sábadu con Rafa Kas. «Anque la música predominante sía’l folk, tamos abiertos a toutipud’estilos, menos al reggaeton», completa Delgado, que tamién anuncia actividaes como prebes de cerveza o esposiciones al traviés de l’Asociación Cultural Ca Beleño.
Un pieslle «impuestu»
Sobre los motivos de la vuelta del históricu pub, que trancó nel 2018 depués de 31 años abiertu, rememora que «foi un pieslle impuesto por dos situaciones, básicamente. Una yera que la propiedá nun facía más que presionar y estorsionar, y nun m’importa dicilo; yera humillante. Siempre se negó a vendenos el llocal y tábemos pagando fortunes, renta que nin na cai Uría. Y rematólo’l Conceyu, cola Llei d’Espectáculos, que nosimpidió facer conciertos, que yera una de les coses carauterístiques del llocal».
«Foi tan impuesto, pa min foi dramático, que, magar que nestos 8 años tuvi que facer otres coses, siempre tuvi na cabeza volver, cuasi siempre emburriáu pol ánimu que recibía del públicu, porque quedara una parte de la so vida nel Ca Beleño», lo que se produnxo «cuando atopé l’espaciu en Cualloto, una zona industrial onde nun se molesta a naide y que ta bien coneutada con Uvieú y inclusive con Xixón». Una vuelta pa la que tuvo tamién tuvo en cuenta que «la xente camudo tamién muncho los horarios de consumu», polo que l’apertura va ser la tarde del xueves yel vienres, el sábadu y la mañana del domingu.


