La pesquería de la sardina nel Cantábricu y el noroeste cierra’l 1 d’agostu pol escosamientu de la cuota, «tres una campaña con bonos precios». El zarru de la pesca olímpica de sardina para la flota de cercu, racú y piobardeira va entrar a valir a les 00.00 hores d’esti próximu sábadu. España empecipió la campaña 2026 con 16.848 tonelaes de sardina ibérica.
Los buques que tengan autorizaes tresmisiones temporales del Golfu de Cádiz van poder siguir cola pesquería. LNE
La Dirección Xeneral d’Ordenación Pesquera y Acuicultura resolvió’l zarru de la pesquería de la sardina ibérica a partir de les 00:00 hores del sábadu 1 d’agostu para los buques de cercu, racú y piobardeira del Cantábricu y el noroeste en comprobando l’escosamientu de la cuota asignada nesta campaña para dicha flota. Trátase d’una pesquería con pesu nes rules d’Avilés y Xixón.
