María Montessori nació en Chiaravalle, Italia, el 31 d’agostu de 1870. Foi una pedagoga, psiquiatra humanista y filósofa italiana. Pedagoga italiana qu’anovó la enseñanza desenvolviendo un particular métodu. Amás, foi activista feminista, sufraxista y fervosu católica. A los 26 años, en 1896, convertiose n’una de les primeres muyeres médiques n’Italia.
Foi una de les primeres muyeres en graduase como médica nel so país, en 1896. A partir d’esa formación desenvolvió un métodu pedagóxicu centráu na autonomía del neñu, l’aprendizaxe sensorial y el respetu polos ritmos individuales de desenvolvimientu.
Anovó la enseñanza desenvolviendo un particular métodu, conocíu como métodu Montessori, que s’aplicaría primeramente n’escueles primaries italianes y más tarde en tol mundu.
Dirixíu especialmente a neños na etapa preescolar, el métodu Montessori básase nel fomentu de la iniciativa y capacidá de respuesta del neñu al traviés del usu d’un material didáctico especialmente diseñáu. Montessori propón una gran diversificación del trabayu y la máxima llibertá posible, de cuenta que’l neñu aprienda, en gran midida, por sí mesmu y al ritmu de los sos propios descubrimientos.
Fundó en 1907 la primer “Casa dei Bambini” nun barriu popular de Roma, destinada a neños de families trabayadores. El so métodu estendióse darréu a miles d’escueles en más de cien países.
Foi candidata al Premiu Nobel de la Paz en trés oportunidaes. Morrió nos Países Baxos en 1952, a los 81 años.
