El director xeneral d’Axenda 2030 presenta’l festival Pan y roses. Defini l’alcuentru lliterariu, que se va celebrar los díes 26 y 27 n’Uviéu, como una iniciativa por aciu el diálogu, la reflexón y la palabra. Ye un foru de reflexón y alderique que, nesta ocasión, va poner el focu na meyora de los discursos y comportamientos antidemocráticos. Va cellebrase los díes 26 y 27 de setiembre en Kuivi Almacenes, n’Uviéu.
La programación, que va encetar cuestiones como la insumisión histórica, la transición ecosocial y la llucha contra los discursos d’odiu, va cuntar cola participación d’activistes, escritores y especialistes de referencia.
Na presentación, Ponte alvirtió sobro los riesgos que suponen les polítiques basaes na intolerancia y sollertó de les consecuencies que pueden tener determinaos discursos na convivencia democrática.
Frente a esa realidá, el director xeneral defendió’l papel de Pan y roses como espaciu pa promover los valores democráticos, los derechos humanos y el pensamientu críticu. “Cuntamos cola arma de la palabra, de la voz democrática, de la defensa de la Declaración Universal de los Derechos Humanos, del derechu internacional y de los Oxetivos de Desenvolvimientu Sostenible”, afirmó.
Nesti sentíu, destacó que’l festival constitúi “un espaciu explícitamente feminista…”, concebíu pa fomentar la reflexón colectiva y el diálogu dende’l respetu a los principios democráticos.
Ponte aportunó en que la defensa de la democracia adquier güei una relevancia especial énte la proliferación de corrientes d’opinión que “traten d’instalar marcos antidemocráticos nel corazón mesmu de les sociedaes democrátiques”.
