Aseguren que son conscientes de que l’accesu a la vivienda ye un problema.
Na Xunta güei celebróse un plenu infantil pa conmemorar el Día d’Europa. 48 escolinos de cuartu de la ESO y primeru de Bachilleratu de seis centros asturianos, convirtiéronse per un día n’europarlamentarios p’aldericar sobre’l problema de la vivienda y los arriendos turísticos.
Aseguren que son conscientes de que l’accesu a la vivienda ye un problema. A munchos afécta-yos, dicen, porque tán pensando n’estudiar fuera y el preciu de los arriendos ye una estorbisa. La iniciativa tien como oxetivu averar les instituciones europees a los mozos.
