El Muséu del Pueblu d’Asturies revitaliza l’oficiu de filandera cada sábadu.
Alba Rueda y María Ferrán, maestres filanderes xixoneses, dirixeron nel Muséu del Pueblu d’Asturies el cursu de filáu. Una iniciativa que recupera’l procesu, como d’antiguo, d’un oficiu prácticamente perdíu. Pero col que quieren destacar la importancia de la llana.
Un material qu’anguaño ye consideráu un residuu más qu’un recursu aprovechable y que, en temporada de tusquilar, esperdíciase.
El cursu faise cada últimu sábadu del mes y nél participen 17 muyeres señalen Carolina Díaz, vecina de Candás; Ana Baselga, vecina de Piloña; y Tilia Fernández, vecina de Xixón.
Considérense filanderes del sieglu XXI, herederes d’una tradición que, per sieglos, foi esencial na vida cotidiana y que güei busquen caltener viva.
