El Muséu del Pueblu d’Asturies revitaliza l’oficiu de filandera cada sábadu.
Ponse en valir la llana y tresmítense conocencies y técniques d’una xera artesanal.
Sigue leyendo «Nel Muséu del Pueblu d’Asturies, l’oficiu de filandera cada sábadu»
Categoría: Oficios tradicionales
«Artesanía Vivo» en La Benéfica: 13 d’avientu
Sábadu 13 d’avientu, de 12.00 a 18.00 hores / La Benéfica de Piloña, L’Infiestu
Un espaciu d’espresión artesana, un territoriu onde lo manual vuélvese ritual y les manos coreografían con lentitú les pieces, ferramientes o l’alimentu. Lluz, soníu, materia, alma.
Una orquesta d’oficios convócase: llana y testil, gastronomía y plantes, fierro y blima, cerámica y macramé, oficios que s’entreteen y enrieden proxectando les nueses sabiduríes ancestrales.
Sigue leyendo ««Artesanía Vivo» en La Benéfica: 13 d’avientu»
Grandes maestros madreñeros
- Madreñada Asturies/ Semeyes
: Manuel Toral Asemeyando
Un gran mayestru de la madreña y de los últimos madreñeros ye Jandro de Bezanes (Casu). Lleva namás y ná menos 72 años faciendo madreñes. Dende va munchos años vive en Sama (Llangréu) y trabaya nel so tallerín onde podéis pasar a velu y merca-y unes madreñes. De los pocos onde pues mercar tamién la madreña estilu casín.
En Xixón Folk vimos trabayos tradicionales asturianos
🟡 El fin de selmana de #XixónFolk2025 tamién hubo oportunidá de ver de cerca trabayos tradicionales asturianos de la mano de grandes profesionales. Les exhibiciones d’oficios artesanales averaron al públicu otra parte bien importante de nuesa hestoria, cultura y forma de vida. Gracies a toles persones que compartisteis el vuesu conocimientu y experiencia durante la segunda edición de Xixón Folk, entamáu pola @bgsaxum. 💛
Escultura a los madreñeros, en Redes
- Nel corazón del Parque Natural de Redes, en Veneros, álzase esta escultura que rinde tributu a los madreñeros, artesanos que con maestría tresformaben la madera en madreñes, el calzáu tradicional asturianu.
- Esta figura representa unu oficiu con gran enraigono en tol conceyu que lamentablemente dirixise a la so desapaición, tamién una forma de vida amestada al monte y a la cultura rural asturiana.
- Un símbolu d’esfuerzu, tradición y conexón cola naturaleza.
Selmana Santa nel Muséu: Demostración d’oficios tradicionales
Demostraciones de tornería, de forxa y de procesáu de llana y texeduría tradicional
- Empobináu a: tolos públicos. Menores de 12 años acompañaos.
- Preciu: gratuitu. Incluyíu na entrada del Muséu.
- Duración: 20 minutos aprosimao.
- Mas información: 902 306 600 / 985 185 860.
Sigue leyendo «Selmana Santa nel Muséu: Demostración d’oficios tradicionales»
Noreña, villa chacinera
Un proyectu audiovisual pretende amosar un percorríu por uno industria esencial para’l desenvolvimientu económicu, social y cultural de la Villa Condal.
La memoria y l’importancia de la conservación son temes que centren el proyectu audiovisual de Noreña, villa chacinera. Tánse documentando los testimonios de trabayadores, material fotográfico inédito, entevistes a empresarios, historiadores, críticos gastronómicos y hosteleros; la importancia de les fiestes y xornaes gastronómiques locales, col fin de caltener el patrimoniu gráfico y oral dende l’orixe hasta l’actualidá de la industria cárnica y chacinera de Noreña.
Oficiu tradicional: os cesteiros
Güei vamos rindir tributu a un oficiu ancestral y en peligru d’estinción: los cesteiros o goxeiros.
Diz el refrán que “el que fae un cestu, fae un cientu”. Podríamos deducir que ye bona xera, pero sigue matiznado….“con madera y tiempu”. Si, la madera, nuevamente la madera. Amás de les habilidaes relatives a la técnica del texíu, ríquense conocencies sobro’l tipu de madera, el diámetru del tueru, saber cuando cortar la madera, como tratala y finalmente como trabayala.
Diz el refrán que “el que fae un cestu, fae un cientu”. Podríamos deducir que ye bona xera, pero sigue matiznado….“con madera y tiempu”. Si, la madera, nuevamente la madera. Amás de les habilidaes relatives a la técnica del texíu, ríquense conocencies sobro’l tipu de madera, el diámetru del tueru, saber cuando cortar la madera, como tratala y finalmente como trabayala.
Tou ello forma parte de la sabiduría ancestral que tresmitieron de xeneración en xeneración los cesteiros y garantiza l’ésitu na xera de «faer un cestu». Sigue leyendo «Oficiu tradicional: os cesteiros»
L’únicu ferreiru de Quirós
Marco Viejo bebió del saber de grandes ferreiros. Ver noticia RTPA y videu
Marco Viejo, a los sos 41 años, ye l’únicu ferreiru del conceyu de Quirós. Un oficiu al que naide se dedicaba de manera profesional dende va munchos años, y qu’él recuperó.
Ufierta servicios de forxa artística, ferrería clásica y cuchiellería artesanal y encargos mui especializaos de cuchiellos o hachos.
Los ferreiros de Mazonovo, distinguidos nos premios nacionales d’artesanía
Ministeriu d’Industria, Comerciu y Turismu reconoz asina’l trabayu de promoción de la forxa que realiza’l grupu de ferreros de Los Oscos.
Ferreiros de Mazonovo, de Santalla d’Ozcos, resultó ganador del Premiu Promociona para Entidaes Privaes, dientro de los Premios Nacionales d’Artesanía 2020 que convoca’l Ministeriu d’Industria, Comerciu y Turismu, pol so trabayu de promoción de la forxa dende’l Conxuntu Etnográficu de Mazonovo. Ferreiros de Mazonovo son un grupu de ferreros n’activu que trabaya por caltener vivu unu de los oficios más antiguos del mundu y la so hestoria nel taller de forxa con mazu hidráulicu del sieglu XVIII en Los Oscos.
Sigue leyendo «Los ferreiros de Mazonovo, distinguidos nos premios nacionales d’artesanía»