Publicado en Artículos, Oficios tradicionales

Noreña, villa chacinera

Un proyectu audiovisual pretende amosar un percorríu por uno industria esencial para’l desenvolvimientu económicu, social y cultural de la Villa Condal.

La memoria y l’importancia de la conservación son temes que centren el proyectu audiovisual de Noreña, villa chacinera. Tánse documentando los testimonios de trabayadores, material fotográfico inédito, entevistes a empresarios, historiadores, críticos gastronómicos y hosteleros; la importancia de les fiestes y xornaes gastronómiques locales, col fin de caltener el patrimoniu gráfico y oral dende l’orixe hasta l’actualidá de la industria cárnica y chacinera de Noreña.

Toos esos rexistros formarán parte de lo que se conoz como patrimoniu cultural que ye tolo construyío por una sociedá a través del tiempu y tien como puntu de partida la memoria. Equí ye cuando se determina la importancia de la conservación d’estos arquivos como bien cultural para la nuesa sociedá y que pueda apurrir datos a les xeneraciones futures cola cuenta de dar protección y continuidá a la hestoria de Noreña.

Fotos: © Proyecto «Noreña, Villa Chacinera»

Inauguración estatua La Chacinera

El proyectu recogerá n´imáxenes l’actualidá de too rellacionase cola industria cárnica y chacinera na villa condal colo que s´obtendrá un importante fondu documental fotográficu. Tamién s´incluirán entevistes, testos, dibuxos, etiquetes y referencies d’hemeroteca colos que se buscó articular los distintos conteníos: fotografías antigües, munches d’elles inéditas, reportaxes individualizaos de cada fábrica, les nueses fiestes y xornaes gastronómiques, etc, roxurán acompañadas d´artículos, testimonios de los mesmos vecinos, trabayadores y empresarios o por dalgún de los principales investigadores, periodistes o críticos gastronómicos d’esti país.

El fondu, amás de suponer un puntu de partida d’esti proyectu, busca contribuyir a la conservación y puesta en valor del patrimoniu fotográfico común. Tamién servirá de base para’l desenvolvimientu de les distintes temes que componen la publicación, polos que se va faciendo un percorríu pola vida diaria de la comunidá chacinera dende los mataderos hasta’l productu final, los distintos oficios, los embutíos y chacinas, les nueves tecnologías, la formación o apartaos más concretos como la importancia del papel de la muyer na industria.

El futuru de Noreña seguirá amestáu al so tradición chacinera y al so condición de capital gastronómica del Principáu. Esti trabayu ye otra manera de protexer el productu noreñense y defendelo para caltener viva la so industria y tradición.

Autor:

Maestra de Llingua Asturiana Colexu Carmen Ruiz-Tilve - Uviéu