La Casa del Osu de Proaza entama los itinerarios de branu ‘Conoz los nuesos osos’.
Conocer les característiques del osu pardu cantábricu, el so hábitat, alimentación y sobre manera, los programes de recuperación de la especie llevaos alantre nos postreros 30 años. Ye l’oxetivu de los itinerarios turísticos programaos pola Casa del Osu de Proaza ‘Conoz los nuesos osos’, qu’entamaron con una decena de participantes.
Tres un percorríu pel Muséu, la parte más atractiva ye la visita a la osa Molina, qu’a los sos 13 años, dexóse ver pela corralada osera. L’añu pasáu, más d’un millar de persones, récord absolutu nes sos seis ediciones, participaron nesta actividá d’educación y sensibilización ambiental.
En 2025, la Casa del Osu de Proaza recibió 10.759 visites, 400 más que l’añu anterior.
Los itinerarios turísticos van repitise llunes, miércoles y vienres tol branu.
