Uviéu sale a «farmear aura»: 500 mozos enllenen el Campu San Francisco dispuestos a esplegar bailles, poses, cabriolas, saltos y xestos nacíos nes redes sociales. Dieciséis participantes compiten con bailles, memes, una guitarra, una espada de «Star Wars» y hasta un llibru de Marx. La Voz /El Comercio /LNE
Lo d’esti domingu nel Campu San Francisco foi unu d’esos acontecimientos qu’amuesen ensin piedá la fienda xeneracional y la nueva realidá que s’abri pasu dende les pantalles. Quien non frecuente TikTok nin tenga un mínimu contactu con adolescentes tendría dificultaes para identificar lo qu’asocedía en redol al estanque de Cuadonga. Barganal de 500 persones formaron un enorme corru por que’l so centru, como nun coliséu, desfilaron participantes dispuestos a esplegar bailles, poses, cabriolas, saltos y xestos nacíos nes redes sociales y videoxuegos. L’oxetivu yera ganase l’aplausu del públicu, ganar al rival y atropar daqué tan malo de midir como’l «aura».
«Esto tenía que tener una representación ‘millennial’», esplicaba Irene tres el so trunfu. «Enteréme pol periódicu y paecióme qu’esto ye un actu xeneracional; hai qu’asistir, guardalo y formar parte d’ello». Para ella, el conceutu de «aura» ye a cencielles una actualización de términos clásicos: «Tol mundu tien aura, xeniu o duende, como quieras llamalo», afirmó.
