La Escuela d’Asturianía celebra’l tercer y últimu cursu de la so séptima promoción con 24 mozos llegaos de centros asturianos d’América y España. #cultura #gaita #tambor #Asturias #TPA_CR
La Escuela d’Asturianía forma a nuevos embaxadores de la cultura asturiana.
La Escuela d’Asturianía entama güei’l tercer y últimu cursu de la so séptima promoción. En dos selmanes y hasta’l 30 de xunetu, podrán esfrutar del deprendizaxe de delles disciplines de la cultura asturiana.
La Escuela d’Asturianía da la bienvenida un branu más a un nuevu cursu con 24 alumnos y alumnes. El so oxetivu ye esparder y caltener la cultura de la nuestra tierra al traviés de clases de música tradicional: gaita, tambor, baille y canción asturiana.
Esti tercer y últimu cursu marca’l pieslle d’un procesu de deprendizaxe que dexará a les persones participantes convertise en tresmisores de la tradición asturiana nes sos comunidaes d’orixe, calteniendo vivu’l patrimoniu cultural fuera d’Asturies.
Gracies a esti proyectu, los participantes non solo alquieren conocimientu sobre la cultura de la nuestra tierra, sinón que deprenden a querela y acaben considerándola la so casa.
El 30 de xunetu sedrá’l so últimu día de clase y fadrán una representación de tolo que deprendieron en cada disciplina, nel Auditoriu Príncipe Felipe d’Uviéu.
