Esta ilustración naz d’esi espíritu, de esas ganas de llibertá y del subidón emocional que me da esta data ❤️
Tamién naz d’otru procesu más íntimu: el de soltar la mano y confiar. De dexar de buscar una anatomía perfecta y permitime dibuxar dende la sensación. Figures redondes, más llibres, más amables. Un llinguaxe nuevu nel que poco a poco voi sintiéndome cómoda ☺️
Ta bocetada ya entintada a mano, sobre papel, con errores, correcciones y decisiones tomaes nel momentu. Creada de forma real, ensin IA, con tiempu, con alma y con intención. Porque creo que los procesos importen. Que la huella de la mano sigue teniendo valor. Que crear ye tamién una forma de tar presente❤️
Nesta nueche tan nuestra, tan fonda ya tan de raíz, quixi falar de tolo que permanece: del fueu que purifica, de la música que xune, de les tradiciones que se tresmiten ya de la necesidá, de cuando en cuando, de barrer pa fuera lo malo ya dexase llevar.
Bonu San Xuan y bona nueche.
