La IA yá ta detrás d’ún de cada cuatro casos de ciberacosu a menores.
L’usu de la Intelixencia Artificial nel acosu escolar aumentó un diez por cientu nun añu, según l’informe que la Fundación ANAR espublizó güei. La investigación detectó qu’una de cada cuatro agresiones feches por medios dixitales produzse al traviés de la IA.
La mayoría de los ciberacosos tienen que ver col espardimientu d’información falsa, siguíu de la espublización d’agresiones físiques y l’unviu de mensaxes amenazantes. Nel casu del acosu presencial, los insultos y l’aisllamientu siguen siendo los casos d’acosu más frecuentes.
Los casos d’acosu escolar abiertos pola Fiscalía n’Asturies aumenten un 55%
N’Asturies, los espedientes abiertos na Fiscalía por acosu escolar medraron nun 55% el pasáu añu. 14 espedientes frente a los 9 del añu anterior. Asina lo reflexa la memoria de la fiscalía que sorraya’l gran aumentu de les denuncies presentaes. Contabiliza un total de 62 por acosu, maltratu repitíos o delitos escontra la integridá moral. El 22% d’elles acabaron cola apertura d’espediente por delitos cometíos nel ámbitu escolar.
