Publicado en Llectura

Apriéndese más escribiendo a mano y lleendo en papel.

Apriéndese más escribiendo a mano y lleendo en papel. Un artículu de Economics of Education Review, amuesa que l’usu de portátiles nes aules puede tener un impactu negativu nes resultancies académiques, sobremanera nos mozos y alumnos arrezagaos.  https://www.elmundo.es/la-lectura/2023/10/26/653a79b6e9cf4af9058b4576.html

Les meyores escueles cierren la puerta a los dispositivos electrónicos porque vieron que distrayen y empioren l’aprendizaxe. Vuelven al llibru de testu y a los apuntes a mano. La OMS encamienta nun esponer a los ñácaros a les pantalles mientres el so primer añu de vida, y llindar l’usu a una hora al día para neños de dos a cuatro años.

Meta, Google y TikTok fueron demandaos por tolos colexos de Seattle (EEXX), que los acusen de crear una crisis de suicidios nos mozos.

L’informe TRÍA reconoz que los alumnos de 15 años llectores en papel ameyoren la so comprensión llectora trés vegaes más que los que namá lleen llibros dixitales. Y hai un estudiu n’España realizáu pol ISEAK qu’alvierte de que l’empléu de les nueves tecnoloxíes na escuela más d’una o dos vegaes a la selmana «amenorga de forma significativa» la puntuación en Matemátiques.

N’España, el Gobiernu nun tomó nenguna decisión a nivel nacional para regular l’usu escolar de les pantalles, escudándose en que les competencies educatives son autonómiques. Namá Galicia, Castiella-La Mancha y Madrid prohibieron los móviles na aula, ente que’l restu dexa esti asuntu a criteriu de cada centru. Pero l’enclín d’Europa ye’l repliegue dixital.

«Internet apurre la información, pero lo más importante ye saber buscala. La conocencia convirtióse nel bastión que tien l’humanu para supervisar a la máquina», resume’l físicu y lingüista Antoni Hernández-Fernández

 

Autor:

Maestra de Llingua Asturiana Colexu Carmen Ruiz-Tilve - Uviéu