Concha Rivero, maestra d’Educación Especial ya Infantil de Villaviciosa, impulsó va cinco años el proyectu “Emocionando” tres más de dos décades como docente n’Uviéu. La so iniciativa céntrase na educación emocional, con talleres empobinaos a alumnáu, profesoráu y families en toa Asturies. Instagram / web /
Defende que’l sistema educativu priorizó lo intelectual frente a lo emocional, y apueste por enseñar a conocese, xestionar emociones y rellacionase de forma saludable. Sorraya la importancia d’ayudar a los estudiantes a afayar los sos talentos y nun escoyer el so futuru solu por dineru o prestíu.
Ente les ferramientes qu’utiliza destaquen la respiración y el “tapping”, una técnica de regulación emocional basada en pequenos toques en puntos del cuerpu. El so oxetivu ye “educar cabeces, pero tamién corazones” y fomentar una vida más consciente.
EMOCIONANDO naz del convencimiento de que ye posible otra manera de vivir, otra manera d’educar, de rellacionanos, escuchanos y escuchar, miranos y mirar.
EMOCIONANDO cree n’una educación emocional qu’empieza na familia, para ser dempués un aprendizaxe tresversal a lo llargo de la educación formal y enllargase a lo llargo de toa nuesa vida.
EMOCIONANDO ve necesariu, n’ese camino, empezar acompañando y trabayando la intelixencia emocional dende’l primer venceyu con padres, madres y profesores, yá que son los principales referentes emocionales del neñu/a.
EMOCIONANDO apueste por buscar ente toos, maneres y maneres creatives de xenerar climes emocionales positivos nos nuesos colexos, nes nueses families.
EMOCIONANDO suaña con poder arimar esi «vivir emocionando» y dar color a la vida de #profesor/as, padres/madres, güelos/as, neños/as, adolescentes, nuevos y a toa persona que se xuna o avere a esti proyectu.
Oxalá tu, que güei nos visites… llegues dalgún día a formar parte del nuesu proyectu: ¡VIVIR EMOCIONANDO!
