Publicado en Sin categoría

El Tiempu n’Asturies.

  • A les 6:30h d’esti xueves alborecemos col cielu poco nuboso, sicasí na fastera más ocidental tenemos delles nubes con unes temperatures que tan alrodiu de los 12ºC, rexistrándose nel puirtu Payares 2,9ºC
  • Güei va seguir soplando l’aire con muncha fuercia pero esta vegada sedrá gallegu y fadrá que baxen les temperatures a pesar del sol, yá que tendremos el cielu poco nuboso en xeneral con dalgo de nubosidá na fastera más ocidental d’Asturies, amás el vientu fadrá que baxe la sensación térmica entovía más.

  • Mañana vienres el cielu va tar empuercáu de nubes altes entemecies ente dellos claros o abancios, aumentando la nubosidá pela tarde, pa dexanos el día nuble cola posibilidá de dalguna precipitación a partir del atapecer. Les temperatures van camudar poco o subirán llixeramente y l’aire tenderá a amenorgar.
  • Nel riscar del sábadu va cruzanos una llinea de precipitaciones que barrerá Asturies d’oeste a este, yá durante’l día vamos tener xarabatos intermitentes que sedrán febles en xeneral con unes temperatures n’ascensu.
  • El domingu l’aire gallegu tornará a soplar otra vegada con fuercia, barriendo la nubosidá na mayor parte d’Asturies, sicasí na fastera más ocidental tendrán dalgo de nubosidá de retención con unes temperatures en descensu y sobre too la sensación térmica por mor del vientu.
  • La selmana que vien paez que tendremos un tiempu más ivernal con dalgo de nieve na cordelera pero esto yá lu diremos viendo.

 

Autor:

Maestra de Llingua Asturiana Colexu Carmen Ruiz-Tilve - Uviéu