Una enfermedá xenética qu’afecta solo a muyeres con una incidencia d’una cada 2.500 neñes. L’oxetivu d’esti día ye concenciar y sensibilizar a la población sobro esta enfermedá y fomentar la investigación nesti campu. Trátase d’una alteración cromosómica que consiste na falta total o parcial del cromosoma X. Les neñes y muyeres col síndrome de Turner tienen unes característiques específiques como baxa talla (20 cm. menos de lo normal) y disgenesia gonadal, lo qu’afecta a la formación de los ovarios. El síndrome recibe’l so nome del endocrinólogu Henry Turner qu’en 1.938 describió esta patoloxía.
Polo xeneral, les persones que carecen el Síndrome de Turner suelen ser d’estatura baxa mientres la infancia, tienen el pescuezu curtiu y el tórax anchu y munches vegaes carecen enfermedá cardiaca conxénita. Nes recién nacíes lo más evidente ye la hinchadura nel envés de les manos y pies.
Na pubertá, nun se desenvuelven los sos órganos sexuales y nun hai presencia de la menstruación, polo que nun pueden ser fecundaes.
Amás estes pacientes esperimenten con mayor frecuencia hipertensión arterial, diabetes, alteraciones renales o oculares.
D’antiguo, y énte el desconocimientu de la enfermedá, dicíase qu’estes pacientes teníen dificultaes cognitives, pero realmente esto podíase deber a trestornos emocionales provocaos poles diferencies físiques, y eso provocaba dificultaes nel aprendizaxe.
La importancia de la detección precoz para’l síndrome de Turner. La detección precoz y los tratamientos pueden ayudar a les persones col síndrome de Turner a ameyorar la so calidá de vida. Los nuevos métodos diagnósticos como’l ecógrafo faen que pueda diagnosticase la enfermedá inclusive antes de la nacencia.
Y los tratamientos consisten n’hormones de crecedera p’ameyorar la talla y hormones sexuales pa desenvolver los calteres sexuales. Con tollo y tratamientu psicolóxicu fayadizu, les persones col síndrome de Turner pueden llevar una vida normal
