🔵 ¿Tenéis ganes de #XixónFolk2026? 🥁¡Presentámosvos les feches de la tercera edición de Xixón Folk! ✍🏼 Tomái nota… será los díes 5, 6 y 7 de xunu de 2026, na Explanada del Parque Fluvial de Viesques (Xixón). Tres díes pa esfrutar de música en direutu, mercáu tradicional, talleres artesanales, puestos pa fartucase… Too ello n’un de los pulmones verdes colos que cuenta la ciudá. Musicasturiana.com
😍Asina que yá sabéis… ¡Reservái les feches! 💛Pronto entamaremos a subir les actuaciones, actividaes y sorpreses d’esta edición. 💪🏼
Los festivales asturianos empiecen a dar pistes de lo que va ser la temporada 2026 no que cinca a la música. L’últimu n’anunciar les sos feches foi la Banda Gaites Saxum col so Xixón Folk, que se va celebrar del 5 al 7 de xunu. L’espaciu va siguir siendo’l mesmu que nes dos ediciones anteriores, el Parque fluvial de Viesques.
La organización entá nun dio más pistes de los artistes que van pasar pel so escenariu, pero van dir, adulces, faciéndolo. Nel añu 2025, participaron L’Andecha Turcipié, Trebeyu y Soi Pandereta na nueche en danza, mientres que nos conciertos tocaron Felpeyu, La Tarrancha y Rollu Folk. Amás, tamién participaron delles bandes de gaites. Pela so parte, nel añu 2024, los artistes fueron Pandereteros d’angüaño, Trebeyu, Soi panderetera, Aira da Pedra, Corquiéu y Rollu Folk.
Eso sí, confirmen que «nesta tercer edición, amás de la programación musical, presentamos la segunda edición de Saxum per Asturies, un proyectu singular pensáu pa disfrutar de la tradición de manera participativa con talleres artesanales, exhibiciones d’oficios tradicionales, animación mitolóxica y música pel mercáu tradicional, que va cuntar con unos 50 puestos de productos d’artesanía y alimentación. Pa nós ye bien importante que tolo que se vienda seya 100% artesania polo qu’intentamos curiar el mercáu».
