Güei, 25 de mayu, celébrase n’Asturies el día de la bandera, símbolu de la soberanía ciudadana que, con gran modernidá, amosó Asturies na llucha contra la ocupación estranxera. Foi esti mesmu día en 1808 cuando l’exércitu asturianu garró les indicaciones que diera Xovellanos 14 años enantes pa cómo habría ser la bandera d’Asturies y fixo d’ella la so enseña.
Celebramos, entós, el niciu de l’Asturies moderna qu’entá caltién los valores soberanos y democráticos en toles estayes de la vida, como lo son la defensa d’unes llingües y una cultura propies.
