L’artista xixonesa, Covadonga Valdés Moré, ufierta dende güei y hasta’l 9 de xunetu, una de les sos últimes esposiciones nel Centru de Cultura Antiguu Institutu.
Dolce pintures pa ilustrar 12 meses. Requexos de la ciudá que dieron forma a un anuariu d’edición llendada de calter priváu y que nun se refuga, agora, que se reedite como calendariu 2026 en collaboración col Conceyu.
Fondamente enraigonada a la so tierra, namorada de Xixón y de la so xente, Moré garra momentos propios, vivencies personales en puntos singulares d’una ciudá que siente allegre y «disfrutona».
Un anuariu surdíu l’añu pasáu nuna tertulia ente amigues pa faer una edición llendada d’un calendariu pa 2025.
L’artista afirma que solo hai que saber mirar p’afayar tola guapura de lo cotidiano.
