Asina ye’l branu nel MUJA: talleres, un escape room’ infantil y esperiencies para tola familia. Acaldía de la selmana, mientres los meses de xunetu y agostu, el Muséu del Xurásicu va ufiertar actividaes para tolos públicos. https://www.museojurasicoasturias.com/es/
Empezó’l branu y nel Muséu del Xurásicu d’Asturies (MUJA) diseñaron una programación especial para’l públicu familiar.
Los llunes, martes y de xueves a sábadu de los meses de xunetu y agostu podrá esfrutase de ‘Un paséu ente dinosaurios’ gracies a les visites empuestes al xardín. Amás, va haber xuegos tradicionales y talleres nos que los más pequenos van poder escavar en busca de fósiles.
Los miércoles acutáronse para ‘Dinoaventura Cromos’, xuna propuesta pa completar un álbum de cromos colos exemplares del muséu.
Los domingos, pela so parte, los más pequenos van poder prestase nel escape room’Operación T-Rex: salvemos el Muséu’.
Aprendiendo sobro l’eclís total. L’eclís total de Sol del 12 d’agostu tamién ta na programación braniza del MUJA. En collaboración con ‘Ayande Stars’, pa los díes 16 y 28 de xunetu entamáronse unes xornaes informatives y de preparación de materiales pa la observación del eclís.
Per otru llau, caltiénense les visites empuestes diaries (sacantes los miércoles) a la esposición permanente y l’apertura diaria de la nueva sala inmersiva, na que los visitantes pueden participar na Misión Dinotiempo’ y viaxar a l’Asturies qu’habitaron los dinosaurios fai 150 millones d’años.
