Vamos amanecer con nubes y delles precipitaciones na metá oriental que se van dir retirando nes primeres hores, y cola posibilidá d’un predominiu d’escamplaes escontra l’occidente que se va estender escontra l’oriente. Comoquier, prevese que la nubosidá vuelva tener nuevamente protagonismu mientres la segunda parte del día, anque la probabilidá de precipitaciones va ser baxa. Les temperatures van xubir llixeramente nel casu de les máximes y van caltenese nel de les mínimes.
