- Alborecemos col cielu cubiertu ya con unes temperatures que tan alrodiu de los 16ºC, rexistrándose nel puirtu Payares 8,6ºC.
- Güei vamos tener el cielu nuboso con precipitaciones febles a partir del mediudía que tenderán a remitir pela tarde con unes temperatures másimes en bultable descensu, sobre too en zones de montaña. L’aire de componente noroeste con raches moderaes nel llitoral y zones altes.
- Mañana vienres vamos tener nubes ya claros o abancios pero con abundancia de les nubes, les temperatures van recuperase dalgo pero l’ambiente seguirá frescu.
- El sábadu la nubosidá sedrá más abondosa y amás les temperatures baxarán dalgo con másimes que malpenes algamarán los 20ºC.
- El domingu torna’l bon tiempu ya tendremos nubes ya claros o abancios con predominiu de los segundos ya con unes temperatures en nidiu ascensu.
- La selmana viniente seguiremos con esti tiempu, alternándose díes soleyeros con díes nublos ya orpinosos ya con unes temperatures suaves y afayaices, pero esto yá lu diremos viendo.
